Now Reading: Самарқанд халқаро аэропортига киришда Cobalt ЙТҲга учради
-
01
Самарқанд халқаро аэропортига киришда Cobalt ЙТҲга учради
Самарқанд халқаро аэропортига киришда Cobalt ЙТҲга учради
Машина ҳайдовчиси жуда катта тезликда аэропортга киришдаги шлагбаумни бузиб ўтиб, дарахтларга бориб урилган. Орада у йўлдаги скутерни ҳам уриб юборган.
Самарқанд шаҳри Ибн Сино кўчаси — аэропорт ҳудудида юз берган йўл-транспорт ҳодисаси юзасидан вилоят ЙҲХБ расмий муносабат билдирди.
Ҳодиса 3 сентябр куни соат 01:00 лар атрофида содир бўлган. Таъкидланишича, Cobalt ҳайдовчиси тезликни меъёридан ошириб рул бошқарувини йўқотган. Сўнгра йўлда кетаётган скутерни уриб юбориб, аэропорт кириш қисмидаги автоматик тўсиққа бориб урилган.
Ҳодиса оқибатида скутер ҳайдовчиси ва йўловчиси шифохонага мурожаат қилган.
Kun.uz’га келиб тушган авариядан кейинги видеоларда Cobalt ҳайдовчиси эканлиги айтилаётган эркак ЙПХ ходимлари билан мулоқотда ўзини жуда ғайритаббий ҳолда тутгани кўринади.
Ҳолат юзасидан дастлабки суриштирув ишлари олиб борилмоқда.
