13:57 | 25.05.23

                       

Ўзбекистонда 21 ёшга тўлмаганларга тамаки ва алкогол маҳсулотларини сотиш таъқиқланади

Сенатда тасдиқланган қарор лойиҳаси Президент томонидан имзоланди

Ўтган йилнинг декабр ойида 21 ёшга тўлмаган фуқаролар учун алкогол ва тамаки маҳсулотлари сотишни таъқиқловчи қарор лойиҳаси тасдиқдан ўтган эди. 24 май куни ташаббус Президент томонидан имзоланди. Қонуннинг мақсади алкогол ва тамаки маҳсулотларининг тарқалиши ва истеъмол қилинишини чеклашдан иборат. Қонуннинг 1 бандида ҳам унинг бош мақсади ҳақида тўхталиб ўтилган.

Қонун фуқароларнинг, айниқса, 21 ёшга тўлмаган шахсларнинг соғлиғини алкогол ва тамаки маҳсулотларини истеъмол қилишнинг зарарли таъсиридан, улар билан боғлиқ ижтимоий ва бошқа салбий оқибатлардан ҳимоя қилишга қаратилган.

Қонунда тамаки ва алкогол савдоси билан боғлиқ қуйидаги ҳолатлар таъқиқланади:

  • 21 ёшга тўлмаган шахсларга ва улар томонидан;
  • сотувчининг бевосита иштирокисиз, ўзига ўзи хизмат кўрсатиш токчаларидан, электрон тижорат шаклида;
  • сайёр савдо қилиш йўли билан, кўчмас савдо обектларидан ташқарида, дорихоналарда;
  • болаларга мўлжалланган товарлар сотиладиган хоналарда;
  • болалар ўйинчоқларига, конфетларга ёки болалар учун мўлжалланган бошқа товарларга ўхшатиб ишланган бўлса;
  • соғлиқни сақлаш, таълим, маданият, спорт иншоотлари, санаторий ҳамда тиббий-ижтимоий муассасалар ҳудудларида;
  • таълим, спорт ва диний ташкилотлардан 100 метрдан кам масофада жойлашган савдо обектларида;
  • яроқлилик муддати ўтганда, маҳсулот сифатини тасдиқловчи тегишли ҳужжатларсиз;
  • доналаб ёки очилган (яхлитлиги бузилган), истеъмол ўровида (қутисида) сигареталар ва қиздириладиган тамаки маҳсулотига нисбатан.

Қонуннинг 2 бандида Халқаро ташкилотлар билан имзоланган шартномалар кўзда тутилиб, қуйидагилар маълум қилинган:

Агар Ўзбекистон Республикасининг халқаро шартномасида Ўзбекистон Республикасининг алкогол ва тамаки маҳсулотларини тарқатиш ва истеъмол қилишни чеклаш тўғрисидаги қонун ҳужжатларида назарда тутилганидан бошқача қоидалар белгиланган бўлса, халқаро шартнома қоидалари қўлланилади.

Мавзуга доир хабарлар билан танишинг: