21:15 | 21.12.21
Ўзбекистонда аҳолининг айрим қатламларига бир марталик моддий ёрдам кўрсатилади
Президенти қарорига кўра, айрим оилаларга 800 минг сўмдан тўлаб берилади
Шавкат Мирзиёев 21 декабрь куни «Аҳолининг кам таъминланган қатламларини қўллаб-қувватлаш ва ижтимоий ҳимоясини янада кучайтиришга оид қўшимча чора-тадбирлар тўғрисида»ги қарорни имзолади. Бу ҳақда «Нигоҳ» хабар берди.
Унга кўра, 2021 йилнинг декабрь ойида аҳолининг қуйидаги қатламларига кирувчи оилаларга 800 минг сўм миқдорида бир марталик моддий ёрдам кўрсатилади:
- 2021 йил давомида «темир дафтар» рўйхатида бўлган оилаларга;
- 18 ёшга тўлмаган фарзандлари бор боқувчисини йўқотганлик пенсияси ёки нафақасини олувчи оилаларга;
- 18 ёшгача болалар учун ногиронлик нафақасини олувчи оилаларга.
Мавзуга доир: «Дафтар»лар ва кам таъминланганлик. Қандай ижтимоий ёрдам турлари бор ва уларни қандай олиш мумкин? Эксперт жавоби
Эслатиб ўтамиз, Навоий вилояти ҳокими Нормат Турсунов Халқ депутатлари Навоий вилоят кенгашининг сессиясида қарийб 200 га яқин уйсиз аёлларга яшаш турар жой учун ижара тўловлари тўлаб берилишини маълум қилганди.
Мавзуга доир хабарлар билан танишинг:
