Ўзбекистонда олий таълим муассасаларининг бакалавриат таълим йўналишларига абитуриентларни рўйхатга олиш бугун, 20 июн куннинг иккинчи ярмида бошланади. Бу ҳақда Билим ва малакаларни баҳолаш агентлиги хабар берди.

Маълум бўлишича, айни вақтда 2023/2024 ўқув йили учун мақсадли қабул параметрлари ва қабул параметрларининг тиллар кесимидаги тақсимотини my.uzbmb.uz сайтига жойлаштириш ишлари якунланмоқда.

Маълумот учун, абитуриентларни рўйхатга олиш ҳар йили 20 июндан 20 июлга қадар амалга оширилиши белгиланган.