Фарғонадаги туманлардан бирига ҳокимлик вазифасини ваъда қилган шахслар қўлга олинди. Ўзини Администрация ишчиси деб таништирган шахс фуқародан ҳокимлик лавозимини олиб бериш учун катта миқдорда пул талаб қилди. Мазкур ҳолат ҳақида ИИВ матбуот хизмати хабар қилди.

Фирибгарлик икки нафар шахс томонидан режалаштирилган бўлиб, улар 25 минг доллар пора (аванс) олаётган жойида ҳуқуқ-тартибот идоралари ҳодимлари томонидан қўлга олинди. Тергов жараёнида уларнинг Фарғона вилоятидаги туманга ҳоким қилиб қўйишлари ва хизмат эвазига 80 минг АҚШ доллари сўрашгани маълум бўлди.

18 май куни ИИВга Фарғонада яшовчи шахсдан мурожаат келиб тушган. Унга кўра, Бешариқ ва Учкўприк туман ҳокимлари референдумдан сўнг вазифасидан олиниши, вакант ўринга номзодлар изланаётгани таъкидланади. Фирибгарлар Учкўприк туман ҳокимлиги учун олдиндан «аванс» талаб қилган ва буни ҳужжатларни расмийлаштириш учунлигини билдирган. Фуқаро қонунбузарлик ҳолатини зудлик билан мутассадди идораларга хабар қилган. Хабардан сўнг, икки нафар гумонланувчи шахс Миробод туманида қўлга олинган. Уларнинг ёнидан бир нечта фуқаролар ёзган аризалар топилиб, ўрганиш жараёнида улар Администрацияга йўллангани аниқланган.

Мазкур ҳолат юзасидан икки гумонланувчига нисбатан жиноят иши қўзғатилган ҳамда протсессуал тартибда қамоққа олинган.