11:12 | 24.06.24

                       

Айрим тоифадаги жиноят учун жавобгарлик либераллаштирилди

Ўзбекистонда айрим тоифадаги жиноят учун жавобгарлик либераллаштирилди. Учувчисиз учадиган аппаратлар муомаласи билан шуғулланганлар 3 йилгача озодликдан маҳрум қилиниши мумкин. Айрим ҳолларда жавобгарликдан озод қилинади.

Президент томонидан имзоланган Қонун билан айрим кодексларга ўзгартириш ва қўшимчалар киритилди.

Жиноят кодексига киритилган ўзгартиришга кўра:

Учувчисиз учадиган аппаратларни, уларнинг бутловчи ва эҳтиёт қисмларини қонунга хилоф равишда олиб кириш, ўтказиш, олиш, сақлаш ёки улардан фойдаланиш, шундай ҳаракатлар учун маъмурий жазо қўлланилганидан кейин содир этилган бўлса, қуйидагича жазоланади:

  • БҲМнинг 25 бараваридан 50 бараваригача (8 млн 500 минг сўмдан 17 млн сўмгача) миқдорда жарима;
  • 3 йилгача ахлоқ тузатиш ишлари;
  • 3 йилгача озодликни чеклаш;
  • 3 йилгача озодликдан маҳрум қилиш.

Маъмурий жавобгарлик тўғрисидаги кодексига қуйидаги қўшимчалар киритилди:

Учувчисиз учадиган аппаратларни, уларнинг бутловчи ва эҳтиёт қисмларини қонунга хилоф равишда олиб кириш, ўтказиш, олиш, сақлаш ёки улардан фойдаланиш, учувчисиз учадиган аппаратларни, уларнинг бутловчи ва эҳтиёт қисмларини мусодара қилиб, БҲМнинг 10 бараваридан 20 бараваригача (3 млн 400 минг сўмдан 6 млн 800 минг сўмгача) миқдорда жарима солишга сабаб бўлади.

Мазкур ҳаракатларни содир этган шахс, агар у учувчисиз учадиган аппаратларни, уларнинг бутловчи ва эҳтиёт қисмларини ўз ихтиёри билан топширса, маъмурий жавобгарликдан озод қилинади.

Илгари бу норма мавжуд эмас эди. Бунда, учувчисиз учадиган аппаратларни қонунга хилоф равишда олиб кириш, ўтказиш, олиш, сақлаш ёки улардан фойдаланиш учун аввал маъмурий кейин жиноят жавобгарлик белгиланди. Аввал тўғридан-тўғри жиноий жавобгарлик белгиланган эди.

Мавзуга доир хабарлар билан танишинг: