Андижон шаҳридаги дўконларнинг бирида ёнғин бўлди. Бу ҳақда Андижон ФВБ матбуот хизмати хабар берди.

Маълум қилинишича, 2024 йил 14 август куни Андижон шаҳар Ўзбекистон 20 йиллиги МФЙда жойлашган хонадон ҳамда кийим дўконининг 70 м.кв майдонда шифт, том қисми ёниб зарарланган. Андижон вилояти ФВБ гуруҳи соат 16:02да айтилган манзилга етиб борган ва соат 16:20да ёнғинни ўчирган.

Ёнғин оқибатида тан жароҳати ҳолатлари қайд этилмаган. Ҳозирда ёнғин содир бўлиш омиллари ва моддий зарар аниқланмоқда.