Андижон вилояти Балиқчи туманидаги пахта тайёрлаш пунктларининг бирида хирмонга уйилган пахталар ёниб кетганлиги ҳақида ижтимоий тармоқларда хабар тарқалди. Мазкур ҳолат бўйича Қишлоқ хўжалиги вазирлиги расмий баёнот берди.

Ўрганиш натижасида эълон қилинган хабар ўз тасдиғини топган.

16 октябр куни, Балиқчи тумани «Насриддинобод» МФЙда жойлашган «Тетратех» МЧЖга қарашли пахта қабул қилиш масканида 12 кг пахта хом-ашёси ёниб кетган.

Аниқланишича, электр кабелларининг носозлиги туфайли қисқа туташув юз берган, натижада ёнғин келиб чиққан.

Ёнғин натижасида «Андижон-36» навли 1 сорт 2 синфга кирувчи пахтанинг юза қисми ёнган.

«Тетратех» МЧЖ раҳбари томонидан тадбиркорга маҳсулотга етказилган зарар миқдори аниқланиб, тўлиқ қоплаб берилган.