18:20 | 27.04.23

                       

АҚШ разведкаси Россия қанча вақтгача уруш олиб бориши мумкинлигини маълум қилди

Россия иқтисодий элитаси санкциялар оқибатида жиддий зарар кўрганига қарамай, Владимир Путинни қўллаб-қувватлашда давом этади

Мисли кўрилмаган санкцияларга қарамай, Россия Украинадаги ҳарбий амалиётларни камида яна бир йил молиялаштира олади, деб ёзади The Washington Post нашри ошкор қилинган Пентагон махфий ҳужжатларига асосланиб.

Россия иқтисодий элитасининг деярли барча вакиллари санкциялар оқибатида жиддий зарар кўргани ва Кремлнинг Украинага нисбатан қўллаётган сиёсатидан рози эмаслигига қарамай, улар Владимир Путинни қўллаб-қувватлашда давом этади, дейилади АҚШ разведкасининг март ойидаги ҳисоботида.

Ҳужжатда айтилишича, Россия ҳукумати санкциялар таъсирини юмшатиш учун «корпоратив солиқларнинг ошишига, Миллий бойлик жамғармаси маблағларига, импортнинг кўпайишига, шунингдек, бизнеснинг иқтисодий босимини юмшатишга умид қилмоқда».

The Washington Post разведка ҳисоботида сўнгги чеклов чоралари Россия нефт нархига чеклов жорий этилишининг узоқ муддатли оқибатлари ҳали баҳоланмаганини таъкидлайди.

Мавзуга доир хабарлар билан танишинг: