9:45 | 19.10.23

                       

Қашқадарёда ИИВ колонияси билан ғишт етказиб бериш бўйича шартнома тузган МЧЖ раҳбари қамалди

У шартномада кўрсатилган суммани бермай, шахсий эҳтиёжи йўлида ишлатиб юборишда айбланган.

2023 йилнинг 11 октябр куни жиноят ишлари бўйича Қашқадарё вилояти Қамаши туман судида ИИВ га қарашли колониялардан бирида ишлаб чиқарилган ғиштларни пуллаган раҳбарга чора кўрилди.

Bugun.uz’даги маълумотларга кўра, Ички ишлар вазирлиги ҳузуридаги жазони ижро этиш департаменти 4-минтақавий ҳудудига қарашли ушбу 3-сонли жазони ижро этиш колонияси билан вилоятдаги МЧЖ раҳбари Қ.Ш. ўртасида колонияда ишлаб чиқарилган ғиштларни сотиш юзасидан умумий миқдори 410 миллион сўмлик шартнома имзонланган. МЧЖ раҳбари эса ғиштларни арзонга сотиб юбориб, шартномадаги суммани бермасдан ўз эҳтиёжи йўлида ишлатиб юборган.

Ушбу жиноят юзасидан бўлиб ўтган судда МЧЖнинг 41 ёшли раҳбари 18 миллион сўм жарима тўлаш ва 3 йилга озодликдан маҳрум этишга ҳукм қилинган. МЧЖ суд ҳукмидан норози бўлиб, апелляция киритиш жараёнида.

МЧЖ адвокатига кўра, колония 661 816 та ғиштни олиб кетиш учун шартномага қилган. Бироқ бу миқдордаги ғиш колония ҳудудидан олиб чиқилмаган. МЧЖ фақат колония фойдасига ундирилиши белгиланган суммага тенг ғиштни олиб чиққан.

Бундан ташқари, ундан колония фойдасига жами 100 миллион 812 минг сўм моддий зарар ундирилиши белгиланган.

Мавзуга доир хабарлар билан танишинг: