Тармоқларда Дамас автомобили ўриндиқлари камайтирилгани учун ҳайдовчига жарима қўлланилгани ҳақида хабар тарқалди. Тошкент шаҳар Йўл ҳаракати хавфсизлиги бошқармаси ҳолат бўйича изоҳ берди.

10 ноябрь куни соат 14:00 да ЙПХ инспектори томонидан Дамас автомобили тўхтатилиб кўздан кечирилган. Ҳайдовчи машина ўриндиқлари сонини рухсатсиз камайтиргани учун жаримага тортилган. Бунга Маъмурий жавобгарлик тўғрисидаги кодекснинг 125-моддаси 3-қисми (ҳайдовчиларнинг тегишли рухсатномасиз қайта жиҳозланган транспорт воситаларини бошқариши) асос қилиб олинган.

«Вазирлар Маҳкамасининг 2020 йил 30 ноябрь кунидаги 758-сонли қарори 1-иловаси, 2-банди, 8-хат бошисида транспорт воситаларига (қўшимча ўриндиқ ўрнатиш ёки камайтириш (олиб ташлаш)) қайта жиҳозлаш деб тан олинганлигини маълум қиламиз”, дейилади хабарда.