Жорий йилнинг 16 июн куни Самарқанд вилояти Самарқанд туманида жойлашган «Вавилон» чўмилиш ҳавзасининг очилиш маросимида Самарқанд туманида яшовчи фуқаро Д.Н. оммавий тадбирларни ўтказиш қоидасини қўпол равишда бузиб, 2000 га яқин фуқаролар иштирокида оммавий тадбир уюштиргани хабар берилди.

Ҳуқуқни муҳофаза қилувчи органлар томонидан айрим аёлларнинг ярим яланғоч ҳолатдаги беҳаё ўйинлари, жамоат жойида юриш-туриш қоидаларига амал қилинмаганлиги аниқланди.

Тадбир ташкилотчисига нисбатан ҳужжатлар расмийлаштирилиб, қонуний қарор қабул қилиш учун ЖИБ Самарқанд туман судига юборилгани айтилди.

Тадбирда қатнашган аёллар тери-таносил касалликлари кўригидан ўтказилиб, улардан ОИТС ва ОИВ га текшириш учун қон таҳлиллари олингани маълум бўлди.