Тошкент шаҳрининг Бектемир туманида жойлашган цехларнинг бирида портлаш содир бўлди. Фавқулодда вазиятлар вазирлиги хабарига кўра, 25 май куни соат 02:30 да Тошкент шаҳар Бектемир тумани «Миришкор» МФЙ Чирчиқ бўйи кўчасида жойлашган тадбиркорлик субъектида ёнғин чиққан. Ҳолат чиқинди мой маҳсулотини қайта ишлаш вақтида сиғим ёрилиб кетиши натижасида юзага келган.

Ёнғин жойига 8 та ёнғин-қутқарув экипажи етиб борган. Ҳудуд соат 03:09 да ўраб олинган ва ёнғин 03:16 да ўчирилган. Бунинг натижасида 150 кв.м майдонда чиқинди мой маҳсулотлари ёнган.

Ҳодиса оқибатида тан жароҳати олган ва ҳалок бўлганлар йўқ.