17:13 | 08.04.23 647
«Бир оз сабр қилиб туринглар, ҳаммасини тўғрилаймиз». Тошкентнинг янги ҳокими жамоат транспортида аҳоли билан гаплашди
Унинг айтишича, пойтахтдаги сув тўпланиши муаммоси ҳам бартараф этилади
Тошкент шаҳар ҳокими вазифасини бажарувчи Шавкат Умрзоқов ва ички ишлар вазири ўринбосари Бекмурод Абдуллаев жамоат транспортида ҳаракатланиб, йўловчилар билан суҳбатлашди.
Йўловчилардан бирининг айтишича, автобусга болали ва аравачали аёллар чиқишида қийинчиликлар туғилмоқда.
Шавкат Умурзоқов унга жавобан, ҳозирда бекатлар ҳам шунга мослаштирилишини, бекатларни хорижлик мутахассислар кўмагида жиҳозлаш бўйича ҳозирданоқ ишлар олиб борилаётганини маълум қилди.
«Кўп ишлар бошланган. Катта ишлар кетяпти, биттада тўғри бўлади, Худо хоҳласа, ҳаммасини тузатамиз. Сув тўпланиши муаммосини ҳам бартараф қиламиз. Бир оз сабр қилинг туринглар, — деди ҳоким.
