13 ноябрь куни биткоин нархи тарихда илк бор $93 мингга яқинлашди. «Coinmarketcap» маълумотларига кўра, савдолар давомида токеннинг энг юқори нархи $92,829 ни ташкил қилди. Бироздан сўнг криптовалюта қиймати озгина пасайиб, Тошкент вақти билан 21:00да $92,771 бўлди.

Сўнгги ҳафтада биткоин нархи тез суръатларда ўсди:

• 6 ноябрь — нарх 8%га ошиб, $75 мингни ташкил қилди;
• 7 ноябрь — $76 мингга етди;
• 8 ноябрь — $77 мингга етди;
• 10 ноябрь — илк бор $80 мингдан ошиб, энг юқори савдо нуқтасида $80,080ни ташкил қилди. Кейинчалик $79,657га пасайган.

Биткоин нархининг кескин ошиши криптовалютага бўлган қизиқишнинг янада ортиши, жаҳон бозоридаги нотинчлик ва ривожланаётган бозорларда активларни ҳимоя қилиш воситаси сифатидаги обрўсининг ошиши билан боғлиқ.

Криптовалюта экспертлари биткоин нархи ўсишда давом этишини прогноз қилишмоқда:

• 2024 йил охирига келиб — $160 мингга етиши мумкин;
• 2025 йил иккинчи ярмида — нарх $350 минггача кўтарилиши тахмин қилинмоқда.

Биткоиннинг янги рекорди унинг жаҳон иқтисодиётидаги аҳамияти ва кўплаб инвесторлар учун асосий актив сифатидаги мавқеини мустаҳкамламоқда. Шу билан бирга, унинг нархининг кескин ўсиши молиявий бозорларда хавф ва эҳтимолий даромад олиш имкониятини бир вақтнинг ўзида намойиш этмоқда.