БМТ Бош Ассамблеяси Ўзбекистон ташаббуси билан қабул қилинган резолюцияни бир овоздан қабул қилди. Бу ҳақда Ташқи ишлар вазирлиги матбуот хизмати хабар берди.

Қайд этилишича, резолюция 13 август куни БМТнинг Ню-Ёркдаги бош қароргоҳида қабул қилинган. У «Экологик муаммоларни самарали ҳал этиш сифатида деградацияга учраган эрларда, шу жумладан лалми ерларда ўрмонларни барқарор бошқаришни, шу жумладан ўрмонларни барпо этиш ва қайта тиклашни қўллаб-қувватлаш» деб номланган.

У Ўзбекистонда амалга оширилаётган «Яшил Макон» миллий дастури концепциясига асосланиб, шаҳар ва қишлоқ ҳудудларини кўкаламзорлаштириш орқали биохилма-хилликни сақлаш ва тиклашга қаратилган.

Ҳужжатда давлат раҳбарининг Бош Ассамблеянинг 78-сессияси ва БМТ Иқлим бўйича 28-конференциясида билдирилган иқлим ўзгаришига ва ерларнинг деградациясига қарши самарали курашиш бўйича билдирилган асосий таклифлари ўз аксини топган.

Резолюция 100 дан ортиқ аъзо давлатлар, жумладан Озарбайжон, Австрия, Бельгия, Баҳрайн, Венгрия, Германия, Италия, Иордания, Индонезия, Қатар, Хитой, Саудия Арабистони, Латвия, Мўғулистон, Марокаш, Уммон, БАА, Покистон, Португалия, Россия, Жанубий Корея, Туркия, Франция ва бошқалар.

Қарорда ўрмонларни барқарор бошқариш ва дарахт экишнинг иқтисодий, ижтимоий ва экологик фойдалари таъкидланган. Уларнинг биологик хилма-хилликни ошириш, иқлим ўзгариши ва ҳаво ифлосланишини юмшатиш ҳамда барқарор ривожланиш мақсадларига эришиш, жумладан, қашшоқликка барҳам бериш ва озиқ-овқат хавфсизлигини таъминлашга қўшган ҳиссаси алоҳида таъкидланади.