Тошкент халқаро аэропортида божхона ходимлари Деҳлидан келган йўловчи нон орасига, ширинликлар ва совун қутилари ичига дори воситаларини яширганини фош қилди.

Тошкент- АЭРО ихтисослаштирилган божхона комплекси ахборот хизмати хабарига кўра, Тошкент халқаро аэропортида Деҳли-Тошкент йўналиши бўйича учиб келган фуқаронинг қўл сумкаси божхона кўригидан ўтказилган. Натижада сифати кафолатланмаган, тахминий нархи 40 млн сўм бўлган, қандолат қутиси, совун қутиси ҳамда нон маҳсулоти ичига яширилган 8 номдаги 59 та ампула, 97 та флакон ва 142 та конвалютадаги дори воситалари борлиги аниқланган.

Ҳозирда ҳолат юзасидан суриштирув ҳаракатлари олиб борилмоқда.