16:25 | 12.06.23 2627
Бухорода эр хотинини пичоқлаб ўлдирди
Ҳолат юзасидан шаҳар прокуратураси томонидан жиноят иши қўзғатилган
Бухоро вилояти Когон шаҳрида эр рашк сабабли аёлини бир неча марта пичоқлаб, ўлдирди. Бу ҳақда «Millar» дастурида хабар берилди.
Шаҳарнинг «Беруний» маҳалласида 28 май куни соат 17:30 ларда 1992 йилда туғилган эркак 2 нафар фарзандининг онаси бўлган, 1991 йилда туғилган аёли билан рашк туфайли жанжаллашган. Жанжал оқибатида эр ошхона пичоғи билан аёлининг турли соҳалари, кўкрак, бўйин, қўлларига бир неча маротаба уриб, қасддан ўлдирган.
Маҳалла раисига кўра, мазкур оила зиёли оилалардан бири бўлиб, оила билан боғлиқ ҳеч қандай муаммолар чиқмаган. Ҳолат юзасидан шаҳар прокуратураси томонидан Жиноят кодексининг 97-моддаси 1-қисми билан жиноят иши қўзғатилган.
