Бухоро ЙҲХБ матбуот хизмати йўл-патруль хизмати инспектори пул мукофоти билан тақдирланганини маълум қилди.

Қайд этилишича, ижтимоий тармоқларда ЙПХ ходими «таниш-билишчилик» қилиб жавобгарликдан қутилмоқчи бўлган ҳайдовчининг телефонини ўчириб кўйганлиги акс этган видео тарқалган.

Ушбу видеода Бухоро вилояти Ғиждувон тумани ИИБ ЖХХ ЙҲХБ йўл-патруль хизмати инспектори сафдор Суннат Эргашев эканлиги аниқланди. Ўз хизмат вазифасига виждонан ёндашгани учун ИИВ ЖХД ЙҲХХ раҳбарияти томонидан 3 000 000 сўм пул мукофоти билан рағбатлантирилган.

«Тизимда мана шундай ходимлар кўпаяверсин. Биз ҳам у каби виждонан хизмат олиб бораётган ходимларни халқга кўрсатишдан чарчамаймиз», — дейилади хабарда.