18:06 | 16.06.23 988
Бухорода ноқонуний балиқ овлаган браконерлар қўлга олинди
Қоидабузарларга қарши протокол тузилиб, тергов олиб борилмоқда.
Бухорода браконерлар ноқонуний равишда 300 дан ортиқ турли хил балиқ тутганлиги аниқланди.
Бухорода Қоракир табиий сув омбори ҳудудида тақиқланган тўрлар билан балиқ овлаган браконерлар қўлга олинди, деб хабар берди Миллий гвардия матбуот хизмати.
Балиқчилар Миллий гвардия ҳарбий хизматчилари ҳамда Экология ва атроф-муҳитни муҳофаза қилиш бўлими туман инспекцияси ходимлари томонидан қўшма рейдлар пайтида қўлга олинган.
Ушбу ҳолат бўйича протокол тузилиб, тергов ҳаракатлари олиб борилмоқда.
