Бухородан Екатеринбургга учиши керак бўлган самолётда носозлик чиқди
Самолётда асосан Россиядан Ўзбекистонга келган сайёҳлар бўлган.
Бухородан Россиянинг Екатеринбург шаҳрига учиши керак бўлган самолётда носозлик келиб чиқиши натижасида йўловчилар ортига қайтиб кета олмади. Бу ҳақда «РEН ТВ» хабар берди.
Қайд этилишича, Red Wings авиакомпаниясига тегишли самолётда носозлик келиб чиққани натижасида WZ-1140 рейсида учиши керак бўлган екатеринбурглик сайёҳлар ортига қайтиб кета олмаган. Йўловчиларининг сўзларига кўра, улар самолётда бир соат ўтириб, сўнг аэропортга қайтарилган.
Йўловчиларга меҳмонхонадан жой ажратилиб, захира борт билан таъминланиши маълум қилинган. Улар бугун, 21 сентябр куни маҳаллий вақт билан соат 17:20 да Россияга учиб кетиши режалаштирилган. Аммо кечикишнинг сабаби очиқланмаган.
Эслатиб ўтамиз, аввалроқ Самарқанддан Россияга учаётган самолётда носозлик юзага келган эди. Шунингдек, Тошкент–Қозон йўналишида учган самолётда ҳам носозлик чиққан.
