8 июн куни Буюк Британия Бош вазири Риши Сунак ва АҚШ президенти Жо Байден «Атлантика декларацияси» номли ҳужжатни имзолади.

Декларация икки давлат ўртасидаги бундай келишувнинг биринчиси бўлиб, дунёнинг энг йирик иқтисодий муаммоларини ҳал этишда яқин ҳамкорликни назарда тутади. Бу келишув Консерваторлар партияси 2019 йилги сайловолди манифестида гапирган икки давлат ўртасидаги тўлиқ эркин савдо келишуви эмас. Лекин бу борада янги режада бир қанча муҳим қарорлар мавжуд.

Режага кўра, икки давлат:

• таъминот занжирларини мустаҳкамлайди;
• саноат инвестицияларини оширади;
• келажак технологияларни ишлаб чиқади.

Асосий мажбуриятлардан бири 55 000 британияликнинг бизнесга оид маълумотларини қоғозбозликсиз АҚШнинг сертификатланган ташкилотларига эркин узатиш имконини берадиган кўприк яратишдир. Бу тўғридан-тўғри йилига 92,4 миллион фунт стерлингни тежашга олиб келади. Президент Байден, шунингдек, АҚШ Конгрессидан Буюк Британияни Мудофаа ишлаб чиқариш тўғрисидаги қонуннинг 3-бандига биноан, Буюк Британияни маҳаллий манба сифатида белгилашни сўрайди. Унга кўра, Буюк Британия компаниялари АҚШ компаниялари билан бир хил асосда АҚШ ҳукумати сармоясидан фойда олишлари мумкин.

Атлантика декларацияси мудофаа, ядро энергетикаси ва яшил энергияга ўтиш учун муҳим металлар етказиб беришда яқинроқ ҳамкорликни назарда тутади.

Ҳамкорликнинг энг муҳим мақсадларидан бири Россиянинг жаҳон атом энергияси бозорига киришига қарши туриш. Британия ва Америка технологик ишланмаларини Россия ва Хитой фойдалана олмаслиги учун ҳимоя қилишни кучайтириш, — дейди Риши Сунак.

Бундан ташқари, томонлар (AI) сунъий интеллектнинг хавфсиз ривожланишини таъминлаш бўйича саъй-ҳаракатларни бирлаштиришга келишиб олдилар. Бу соҳадаги биринчи муҳим воқеа АҚШ кўмагида шу йил охирида Буюк Британияда АI хавфсизлиги бўйича халқаро саммит бўлади.