15:07 | 22.03.23
Бухорода ОИВ юқтирганини билган аёл бир неча шахс билан жинсий алоқада бўлган
Аёлга нисбатан жиноий иш қўзғатилиб, эҳтиёт чораси сифатида у қамоққа олинган
Бухоро шаҳрининг Пиридастгир кўчасида вақтинча ижарада яшаб келган 21 ёшли Қ.С. 12–13 март кунлари Ромитан туманидаги чўл зонасида уч нафар ромитанлик эркак билан бир неча маротаба жинсий алоқада бўлган.
Андижон вилояти Марҳамат туманида доимий рўйхатда турган аёл 2018 йил вилоят ОИТСга қарши курашиш маркази томонидан ОИВ инфекциясини юқтириб олган шахс сифатида рўйхатга олинган. У бошқа шахсларга ОИВ инфекциясини юқтирган тақдирда жиноий жавобгарликка тортилиши тўғрисида тегишли тартибда огоҳлантирилган.
Аёлга нисбатан Жиноят кодексининг 113-моддаси 4 қисми билан жиноий иш қўзғатилиб, у эҳтиёт чораси сифатида қамоққа олинган.
Мавзуга доир: ОИВ инфекциясини даволашнинг янги усули топилди
Аввалроқ Ўзбекистонда 45 мингдан ортиқ шахс ОИВ касаллиги билан яшаётгани ҳамда ОИВга чалинган ўзбекистонлик аёллар фарзанд дунёга келтираётгани хабар қилинганди.
