16:36 | 01.03.23
China Southern Airlines Пекин ва Тошкент ўртасидаги парвозларни тиклайди
Рейслар ҳафтасига икки марта — душанба ва жума кунлари амалга оширилиши режалаштирилган
Uzbekistan Airports Хитойнинг China Southern Airlines авиакомпанияси Пекин ва Тошкент ўртасида тўғридан-тўғри мунтазам қатновларни тиклаётганини маълум қилди. Биринчи йўловчи рейси 2023 йилнинг 26 мартига мўлжалланган.
Рейслар Airbus А330-200 самолётларида ҳафтасига икки марта — душанба ва жума кунлари амалга оширилиши режалаштирилган.
Хабарга кўра, айни пайтда авиаташувчи ҳафтада бир марта, чоршанба кунлари Урумчи—Тошкент йўналиши бўйича мунтазам парвозларни амалга оширмоқда.
Маълумот учун, Хитойнинг Гуанчжоу шаҳрида жойлашган China Southern Airlines авиакомпанияси парки ҳажми бўйича Осиёдаги энг йирик авиакомпания ҳамда авиаташувчи ҳисобланади.
Аввалроқ Туркиянинг Turkish Airlines авиакомпанияси Истанбулдан Бухорога мунтазам авиарейслар йўлга қўйиши, шунингдек, Озарбайжондан Самарқандга авиақатновлар йўлга қўйиши ҳақида хабар берилганди.
Мавзуга доир: Олмаотадан Самарқандга авиапарвозлар қайта тикланади
Мавзуга доир хабарлар билан танишинг:
