Ўзгидромет шанба ва якшанба кунлари республика бўйича ҳаво асосан бироз булутли бўлиши, ёғингарчилик кутилмаслиги ҳақида маълум қилди. Шамол шарқдан 3-8 м/с тезликда эсади. Ҳаво ҳарорати кўтарилиб, ҳудудларнинг катта қисмида июл ойи учун нормал ҳисобланган +33…+38 даража бўлган қийматлар сақланиб қолади. Энг чекка жанубда +39…+41 даража атрофида иссиқ бўлади.

Айрим тоғолди ва тоғли ҳудудларда момақалдироқ билан қисқа муддатли ёмғир ёғиши мумкин.

Республика бўйича баъзи жойларда шамол тезлиги 13-18 м/с гача кучайиши, айрим жойларда чанг-тўзон билан кузатилиши мумкин.

Пойтахтда бугун, 7 июл куни ҳаво бироз булутли бўлади, вақти-вақти билан ўзгариб туради, куннинг иккинчи ярмида қисқа муддатли ёмғир ёғади, момақалдироқ бўлиши мумкин. Шамол тезлиги 10-12 м/с гача кучаяди. Ҳарорат +31…+33 даража бўлади.