Вазирлик томонидан Ўзбекистон Давлат буджети, давлат харидлари ва суверен халқаро облигацияларининг котировкалари тўғрисидаги август ойининг дастлабки 10 кунликдаги маълумотлари тақдим этилди.

Унга кўра, даромад ва тушумлар 3 620,5 миллиард, харажатлар эса 9 817,4 миллиард сўмни ташкил этди.

Давлат харидлари тақсимоти буджет буюртмачилари томонидан амалга оширилган давлат харидлари ҳисоби қуйидагича тақсимланган:

• электрон дўконга 70 271 харид (773,9 млрд. сўм),
• бошланғич нархни пасайтириш учун 2 525 харид (50,8 млрд. сўм),
• энг яхши таклифларни аниқлаш учун 3 688 харид (2 878,8 млрд. сўм),
• тендер савдолари учун 328 харид (941 млрд. сўм).

Маълумот ўрнида, 2024 йил 1-ярим йиллигида Давлат буджети даромадлари 2023 йилнинг мос даврига нисбатан 18,3 фоизга ошиб, 121,0 триллион сўмни ташкил қилди.