Диёра Усмонова ўғли Икромнинг туғулган кунига шер боласини совға қилди. Унинг бу иши ижтимоий тармоқларда кенг муҳокамаларга сабаб бўлди.

Шер боласини интернетдан тахминан 10 мингдан 140 минг АҚШ долларигача бўлган нархда топиш мумкин.

Шер боласидан ташқари, Диёранинг инстаграмдаги обуначилари томонидан Икромга кичкина гелик совға қилинганини ёзиб қолдирган. Ушбу машина фақатгина махсус буюртма билан олиб келинади. Боланинг туғилган кун Оҳангарон туманидаги Ақча дам олиш масканида нишонлаган.

Ижтимоий тармоқларда Икромга совға қилинган машина 100 минг доллар экани ҳақида хабарлар тарқалди. Усмонова бунга муносабат билдирди.

«Илтимос, нотўғри маълумот тарқатманг. Аввало, болага ўйинчоқни мен эмас, бошқалар совға қилган. Иккинчидан, бу ҳеч қандай Мансорй эмас. Оддий батареяли машина, бошқа болалар машиналаридан бироз каттароқ. Хитойда ишлаб чиқарилган ва нархи 3 мингдан ошмайди», дейди у.

Маълумот учун, 2023 йилнинг 4 август куни Олий Мажлис Сенатининг 43-ялпи мажлиси бўлиб ўтди. Унда «Ҳайвонот дунёсини муҳофаза қилиш ва ундан фойдаланиш тўғрисида»ги Қонуннинг 43-моддасига (ёввойи ҳайвонларни ярим эркин шароитларда, сунъий равишда яратилган яшаш жойларида ёки тутқунликда сақлаш) киритилган ўзгартириш ва қўшимчалар маъқулланди.

Мазкур ўзгартириш жисмоний шахслар томонидан сақлаш тақиқланган ёввойи ҳайвонларнинг рўйхатини, шунингдек, юридик шахслар томонидан ушбу ҳайвонларни сақлаш тартибини белгилайди. Рўйхатга ёввойи ҳайвонларнинг 66 дан ортиқ турлари киради.

Ёввойи ҳайвонларни урчитиш, илмий тадқиқотлар ўтказиш, намойиш қилиш, такрор кўпайтириш, шунингдек тижорат мақсадларида ярим эркин шароитларда, сунъий яратилган яшаш муҳитида ёки тутқунликда сақлашга Экология ва атроф-муҳитни муҳофаза қилиш давлат қўмитасининг рухсатномалари асосида йўл қўйилади.