12:09 | 27.10.23

                       

Энди рақамни ўзгартирмасдан мобил операторни танлаш мумкин бўлади

Абонентлар мобил алоқа операторларининг хизмат кўрсатиш сифатига қараб исталган компанияни танлаши мумкин.

Мобил алоқа абонентлари рақамларини ўзгартирмасдан ўзлари истаган мобил алоқа операторлари хизматидан фойдаланиши мумкин. Бу ҳақда Рақамли технологиялар вазирлиги хабар берди.

Фото: Рақамли технологиялар вазирлиги

Бугун, 27 октябр куни ICTWEEK UZBEKISTAN – 2023 ахборот-коммуникация техналогиялари ҳафталиги доирасида мобил алоқа тармоқларида абонент рақамини кўчириш хизмати (МНП) махсус веб-сайти ишга туширилган.

«Хизматнинг ишга туширилиши мамлакатимизда фаолият юритиб келаётган мобил алоқа операторлари ўртасида соғлом, ижобий рақобатни янада кучайтириш билан бирга улар томонидан кўрсатилаётган хизматлар сифатининг ошишига олиб келади» – дейилган хабарда.

Эндиликда абонентлар мобил алоқа операторларининг хизмат кўрсатиш сифатига қараб исталган компанияни танлаши имкониятига эга.

Фото: Рақамли технологиялар вазирлиги

Бу жараёнда мобил алоқа абонентларига улар бошқа операторга кўчганда ўз абонент рақамини сақлаб қолиш имконияти тақдим этади. Бу рақам йўқотилишининг олдини олади ҳамда алоқа операторлари томонидан рақам ресурсларидан янада оқилона фойдаланилишга хизмат қилади.

Дастлабки босқичда жисмоний шахслар ўзи ўтишни хоҳлаган мобил алоқа оператори офисига ташриф буюрган ҳолда мурожаат этади ҳамда мобил рақами кўчирилган янги сим картани олиб кетади.

Фото: Рақамли техналогиялар вазирлиги

Ҳозирда Ўзбекистонда Beeline, Mobi.uz, Ucell, UZNELECOM, Humans каби 5 та мобил алоқа оператори фаолият кўрсатади. Улар томонидан мижозларга мобил алоқа хизматлари кўрсатиб келинмоқда. Агар хизматдан фойдаланиб, мобил алоқа оператори ўзгартирилса, кўчирилган рақамлар ўз шаклини ва кўринишини сақлаб қолади.

Мавзуга доир хабарлар билан танишинг: