Express24 таом етказиш хизмати ўз ишчиларини қўшимча моддий рағбатлантиришга қаратилган лойихани ишга туширди. Ушбу етказиб бериш хизмати курьерлари, уларнинг фарзандлари ва турмуш ўртоқлари инглиз тили ва дастурлаш курсларига бепул қатнашиши мумкин.

«Курьерлар бизнесимизнинг асосий қисмиларидан бири. Уларга ғамхўрлик кўрсатиш, қўллаб-қувватлаш биз учун жуда муҳимдир. Мен таълим манфаати ва кучига ишонаман. Ишчиларимиз янги кўникмаларни ўрганиб, ривожланиб, ўзлари ва яқинлари учун яхши яшаш шароитлар яратишларини хоҳлайман», — Express24 асосчиси Акмал Пайзиев.

Мазкур лойиҳада компанияда 6 ойдан зиёд ишлаган ёки 700 дан кўп буюртмаларни бажарган курьерлар қатнашиши мумкин. Таълим курслари Cambridge ва CoddyCamp каби ўқув марказларида бўлиб ўтади. Яқи келажакда компания ўқув марказлари билан ҳамкорликни янада кенгайтиришни режалаштирган.

Лойиҳа давомида 30 дан ортиқ одам шу жумладан курьерлар ва уларнинг оила аъзолари таълим олишга улгуришди.