Фарғонада 13 ёшли бола қўшниси томонидан калтакланди
Бола қўшнисининг автомобилига зиён етказган.
Ижтимоий тармоқларда Фарғонада 2010 йилда туғилган бола қўшниси томонидан калтаклангани ҳақидаги хабарлар тарқалди. Вилоят Ички ишлар бошқармаси ҳолат юзасидан муносабат билдирди.
Маълум қилинишича, 2023 йилнинг 31 август куни вилоятнинг Фурқат тумани Ингичка қишлоғида яшовчи вояга етмаган Х.Қ. қўшниси Р.Й. га тегишли «Nexia-3» русумли автомобилнинг шиналарига зиён етказгани сабабли, Р.Й. нинг бундан жаҳли чиқиб, уни уриб, тан жароҳати етказган.
Тиббиёт бўлимининг ташхисига кўра, Х.Қ. да бош, пешона, бўйин, ўнг елка бўғими, тери ости гематомаси аниқланган.
Ҳолат юзасидан Фурқат тумани ИИБ томонидан терговга қадар текширув ҳаракатлари олиб борилаётгани, текширув якуни бўйича қонуний қарор қабул қилиниши маълум қилинган.
Эслатиб ўтамиз, аввалроқ Тошкент вилоятида икки йигит бир неча шахслар томонидан калтакланган эди. Самарқандда эса бир неча ёшлар 8 нафар эркак томонидан калтакланган.
