Фарғонада 31 ёшли аёл 4 нафар эркак томонидан зўрланди. Эркакларга нисбатан жиноят иши очилиб, қамоққа олиш тарзидаги эҳтиёт чораси қўлланилди.

Вилоят Ички ишлар бошқармаси қайд этишича, ҳодиса Фарғона вилоятининг Бешариқ туманида содир бўлган. Тўрт нафар эркак аёлни мажбурлаб, ташландиқ шийпонга олиб борган. Улар аёлни тўрт эркакдан бири билан жинсий алоқада бўлганини видеога олиб, уни ижтимоий тармоқларда тарқатиб юбориш билан қўрқитиб, унинг эркига қарши номусига тегиб, жинсий эҳтиёжларини қондиришган.

Суд-тиббий экспертизаси аёлнинг ўнг билагидаги қонталаш из жароҳати оғирлик даражасига кўра 6 кундан кўп давом этмайдиган енгил шикастлар тоифасига кириши, танасининг бошқа жойларида жароҳатлар аниқланмаганини кўрсатган.

Тергов бошқармаси томонидан Жиноят кодекснинг 118-моддаси (номусга тегиш) 2-қисми «в» банди билан жиноят иши қўзғатилиб, гумонланувчиларга нисбатан қамоққа олиш тарзидаги эҳтиёт чораси қўлланилган. Тергов ҳаракатлари якунланиб, тегишлилиги бўйича судлов органига юборилган.