13:18 | 17.05.23 3108
Фарғонада хандақ қазиган эркакни тупроқ босиб қолди
ФВВ ходимлари тупроқ остида қолган эркакни қутқариб олган
Фарғона вилояти Ёзёвон тумани «Юқори Сойбўйи» маҳалласида 16 май куни бир кишининг устига тупроқ кўчиб тушган. Ҳолат хандақ қазишда хавфсизлик қоидаларининг қўпол равишда бузиш оқибатида келиб чиққан. Воқеа жойида ФВВ ходимлари етиб борган.
Маълум қилинишича, жабрланувчи субпудратчи ташкилот ходими бўлиб, хандақ қазиш вақтида хавфсизлик қоидаларини қўпол равишда бузган.
Кўчиб тушган тупроқ бир неча дақиқаларда олиб ташланди. Қайд этиш жоизки, қутқарувчиларга воқеага гувоҳ бўлган шахслар ҳам ёрдам кўрсатишган, — дейилади хабарда.
Эркак тан жароҳатлари олган, бироқ шифокорларга кўра, унинг ҳаётига ҳеч қандай таҳдид йўқ.
