Жиноят ишлари бўйича Каттақўрғон судида фарзандини қийнаган аёлнинг жиноят иши кўриб чиқилди.

Аёл суд залида айбига иқрор бўлди ва бу ишни қўрқитиш мақсадида қилганини таъкидлади. Аёл суддан ўзига енгиллик берилишини сўради.

Мен айбимга иқрорман. Қилган ишимдан пушаймонман. Эрим Россиядан келса оиламни тикламоқчиман, — дейди аёл.

Судда сўзга чиққан болаларнинг қонуний вакили ҳисобланган аёл (буви) болаларни унинг тарбиясига олиб беришларини сўради.

Ҳужжатлар кўриб чиқилиб, аёлга суд ҳукми ўқилди. Унга кўра, судланувчи Жиноят кодексининг 112-моддаси 1-қисмида назарда тутилган жиноятни содир этганликда айбланиб, 7,5 миллион сўм миқдорда жаримага тортилди.