Фурқат Сидиқов Ўзбекистоннинг АҚШдаги элчиси этиб тасдиқланди
У 2022 йилнинг ноябридан буён ташқи ишлар вазирининг биринчи ўринбосари лавозимида ишлаб келаётган эди
Сенат Ўзбекистоннинг АҚШдаги элчиси лавозимига илгари ташқи ишлар вазирининг биринчи ўринбосари лавозимида ишлаб келган Фурқат Сидиқов номзодини маъқуллади, дея хабар берди ЎзА.
Маълумот учун, Фурқат Сидиқов 2020 йилнинг май ойидан Ўзбекистон ташқи ишлар вазири ўринбосари, 2022 йилнинг ноябридан буён эса ташқи ишлар вазирининг биринчи ўринбосари лавозимида ишлаб келаётган эди.
У, шунингдек, Ўзбекистоннинг АҚШдаги элчихонасида атташе (2002–2007), ушбу элчихонанинг биринчи котиби (2011−2015) ҳамда Ўзбекистоннинг Покистондаги элчиси (2015−2020) лавозимларида ишлаган.
Маълумот учун, 2017 йилдан буён Ўзбекистоннинг АҚШдаги элчихонасини Жавлон Ваҳобов бошқариб келмоқда.
Аввалроқ Сурхондарё вилоятининг собиқ ҳокими Тўра Боболов янги лавозимга тайинлангани ҳақида хабар берилганди.
