Фавқулодда вазиятлар вазирлигининг Муҳандислик муҳофаза ва қурилиш-тиклаш ишлари бош бошқармаси ҳудудида «Конституция — ўзимизники!» шиори остида тарғибот тадбири бўлиб ўтди.

Кичик парад форматида уюштирилган мазкур анжуманда соҳада хизмат қилаётган қутқарувчилар, фуқаро муҳофазаси вакиллари, ўт ўчирувчилар, ғаввослар сингари минг нафардан зиёд хизматчилар, шунингдек, фахрийлар, ўз хизмат бурчини ўташ чоғида қаҳрамонларча ҳалок бўлган ходимларнинг оила аъзолари иштирок этди.

Тадбирда соҳа тарихи ва бугуни, ривожланиш тенденциялари, ҳуқуқий асослари, шунингдек, янгиланаётган Конституциядаги ўзгаришларнинг ҳаётий аҳамияти хусусида фикрлар билдирилди.