Хорижий ва нодавлат университетлар учун мингта грант ўрни ажратилди
Талабалар ўқишни тугатиб, шартнома асосида ишлаб беришлари айтилди
2022 йилги қабулдан бошлаб нодавлат ОТМлар учун ҳам 1000 та давлат гранти ажратилиши бошланган эди.
Бу йилги квоталар тўғрисидаги Президент фармойишида ҳам нодавлат университет ва институтлар учун 1000 та грант ўрни ажратилиши белгиланган.
Бу ўринлар хусусий ва хорижий ОТМлар йўналишлари бўйича тақсимланиб, Қабул комиссияси томонидан тасдиқланади. Тасдиқланган маълумотлар 1 июлгача Олий таълим, фан ва инновациялар вазирлиги сайтида эълон қилиниши кераклиги айтилди.
Хусусий ОТМлар имтиҳонлари тугагач, энг юқори балл тўплаб талаба бўлганлар ва грант олишни истаганлар ОТМ ва вазирлик билан биргаликда 3 томонлама шартнома имзолайди.
Бу шартнома асосида улар ўқишни тугатиб ўз йўналиши бўйича ишлаб бериш мажбуриятини олади. Ишлаш муддати йўналиш хусусиятига қараб турлича белгиланади.
