10:54 | 23.06.23 1155
Июл-август ойларида Тошкент иссиқ сув тизимида узилишлар кузатилади
Камчиликлар тизимдаги таъмирлаш ишлари сабаблиги айтилди
Тошкент шаҳар ҳокимлиги июл ва август ойларида иссиқ сув таъминотида режали 5 кунлик узилишлар кузатилишини маълум қилди.
Ҳокимликнинг таъкидлашича, ёз мавсумида асосий иссиқлик энергияси таъминотчиси бўлган «Тошкент иссиқлик маркази» МЧЖ томонидан 2023-2024 йиллар куз-қиш мавсумига тайёргарлик кўриш ишлари амалга оширилади.
Ушбу ишлар доирасида 1-8-ИМ иссиқлик марказларида таъмирлаш ишлари босқичма-босқич режалаштирилгани билдирилди.
Шу сабабли, июл ва август ойларида Тошкент шаҳрининг айрим туманларида режа-жадвал асосида иссиқ сув таъминоти 5 кунлик муддатга тўхтатилиши айтилди.
«Тошкент иссиқлик маркази» МЧЖ вақтинчалик ноқулайликлар учун жамоатчиликдан узр сўради.
