Аввалроқ, Исроил мудофаа кучлари Ғазо секторида ўзининг кенгайтирилган тартибдаги ҳарбий ҳаракатларини бошлаши натижасида Ғазода аҳоли алоқа, телевидение ҳамда интернетдан узилиб қолганди.

Хориждаги нашрларнинг ёзишича, Фаластин миллий маъмурияти секторда алоқани тиклаш мақсадида америкалик миллиардер Илон Маскнинг SpaceX компанияси билан музокара олиб бормоқда. Алоқа ва интернетни қайта тиклаш ишларини Starlink сунъий йўлдоши ёрдамида ташкиллаштириш режа қилинган.

Фаластиннинг алоқа масалалари бўйича вазири эса Starlink’нинг Фаластин билан ҳамкорлик қилишга розилигини таъкидлаган.

«Биз аллақачон Starlink билан боғландик. Халқаро ва гуманитар ташкилотлар билан ушбу ускунани жорий этиш юзасидан қатор ишлар олиб боряпмиз. Бир қанча қурилмаларни сотиб олишга тайёргарлик кўраётганимизга гувоҳ бўлган Starlink эса бунга ижобий жавоб қайтарди» деган вазир.

Эслатиб ўтамиз, олдинроқ Илон Маск Қозоғистондаги икки мингта мактабни Starlink интернет тармоғига улашга қарор қилганди. Шунингдек у, агар ғарб ва шарқ давлатлари ўртасида уруш ва можаролар давом этса, бу инсоният учун салбий оқибатларни келтириб чиқаришини айтганди.