Ўзбекистоннинг Исроилдаги элчихонаси ушбу давлатда яшаётган ўзбекистонликлар огоҳлантирди.

Қайд этилишича, Исроилдаги мавжуд хавфсизлик вазияти муносабати билан Ўзбекистон элчихонаси қуйидаги эҳтиёт чораларини кўришни қатъий тавсия қилади:

• Исроилнинг айрим ҳудудларига боришдан сақланиш;
• Исроил ҳукумати ва Ўзбекистон элчихонаси расмий хабарларини кузатиб бориш. Исроил фронторти қўмондонлигидан билдиришномалар ва огоҳлантиришлар, мобил иловаси ёки веб-сайти ҳаволасини телефонга ўрнатиш;
• Шахсни тасдиқловчи ҳужжатлар ва Ўзбекистон элчихонасининг алоқа маълумотларини доимо олиб юриш;
• Имкон қадар оммавий йиғилишлар жойини четлаб ўтиш ва жамоат жойларига ташриф буюришни чеклаш.

Агар Исролидаги ўзбекистонликларга шошилинч ёрдам ёки маслаҳат керак бўлса, Ўзбекистоннинг Исроилдаги элчихонасига қуйидаги телефонлар орқали мурожаат қилиши мумкин:

• Фавқулодда ёрдам телефонлари :

• 03-672-2466;
• 03-672-2371;
• 03-758-5075;
• 03-758-5076;

Фавқулодда ва шошилинч хабарлар учун:

• 054 485 1397.