Илҳомбахш саёҳатлар ташкил этиш жамияти (SITE) 2024 йилнинг 26–29 феврал кунлари Истанбулда ўзининг навбатдаги халқаро анжуманини ўтказади. Мазкур конференция доирасида туризм соҳасидаги юзлаб иштирокчиларни Истанбулга жалб қилиш кутилмоқда.

Ярим асрлик тарихга эга бўлган SITE’нинг 90 мамлакатда 2500 дан ортиқ аъзоси бор. Ҳамда дунё бўйлаб 27 та маҳаллий ва минтақавий филиалга эга. Ташкилот рағбатлантирувчи туризмнинг етакчи ассоциацияси ҳисобланади. SITE ўз сегменти аъзолари ва мутахассислари орқали рағбатлантирувчи туризмнинг ривожланишига ҳисса қўшишни мақсад қилган.

Шунингдек, SITE’нинг энг муҳим тадбири бўлган Глобал конференция ҳар йили дунёнинг турли бурчакларидан саёҳат ва рағбатлантирувчи туризм бўйича мутахассисларни тўплайди. Ташкилот бутун дунёда ўз аъзоларига эга ва ундаги анжуман иштирокчи давлатлари қуйидагича: Америка Қўшма Штатлари, Буюк Британия, Канада, Ирландия, Франция, Швейцария, Испания, Мексика, Германия, Аргентина, Аруба, Австрия, Австралия, Багама, Белгия, Бразилия, Кайман ороллари, Хитой, Хорватия, Коста-Рика, Чехия, Миср, Венгрия, Исландия, Ҳиндистон, Исроил, Италия, Латвия, Нидерландия, Панама, Португалия, Шотландия, Сингапур, Словения, Тайван, Таиланд, Туркия, Бирлашган Араб Амирликлари, Зимбабве ва Япониядир.

Бундан ташқари, Истанбулда бўлиб ўтадиган SITE Global конференциясида 500 дан ортиқ соҳа мутахассисларининг иштирок этиши кутилмоқда. Бу эса ўз навбатида сайёҳлик мутахассисларига қадимий тарих ва замонавий сайёҳлик кўникмасига эга бўлган Туркияни кашф қилиш имконини беради.