Литванинг Вилнюс шаҳрида Ўзбекистон савдо уйи очилди
Ўзбекистон ташқи ишлар вазирининг ўринбосари очилиш маросимида қатнашди
Литва пойтахти Вилнюс шаҳрида Ўзбекистон савдо уйи очилди. Ўзбекистон ташқи ишлар вазирининг ўринбосари Ғайрат Фозилов UZ Euro Trade House Ўзбекистон савдо уйининг расмий очилиш маросимида иштирок этди.
ТИВ маълумотига кўра, маросимда Литва ҳукумати, жамоат ва ишбилармон доиралари, оммавий ахборот воситалари вакиллари ҳам иштирок этди.
Тадбирда Ўзбекистон ва Литва ўзаро товар айирбошлаш ҳажмини янада ошириш учун салмоқли салоҳиятга эга экани мамнуният билан қайд этилди. Ўзаро савдони фаоллаштиришга хизмат қиладиган ушбу механизмнинг ишга туширилиши Ўзбекистон ва Литва ўртасидаги алоқаларнинг ҳар томонлама ривожланиб бораётганининг ёрқин ифодаси эканлиги таъкидланди.
Савдо уйининг ишга туширилиши икки мамлакат тадбиркор доиралари ўртасидаги амалий шериклик ва натижага йўналтирилган мулоқотни сезиларли даражада фаоллаштириши шубҳасиз.
