10:15 | 10.09.23

                       

Марокаш қироли мамлакатда уч кунлик миллий мотам эълон қилди

Ички ишлар вазирлиги 2000 дан зиёд инсонлар ҳалок бўлганини маълум қилган.

Марокашдаги кучли зилзила қурбонлари сони 2000 дан ошди. Ярадорлар сони ҳам тахминан шунча эканлиги айтилди.

Фото: BBC

Марокаш Ички ишлар вазирлигининг хабар беришича, 1400 дан зиёд фуқаролар жиддий жароҳат олган. Энг кўп қурбонлар Марокаш жанубидаги провинцияларда қайд этилган.

Қирол Муҳаммад VI уч кунлик миллий мотам эълон қилди ва омон қолганларга бошпана, озиқ-овқат ва бошқа ёрдам кўрсатишни буюрди.

Кўплаб одамлар иккинчи тунни ҳам очиқ ҳавода ўтказмоқда.

Зилзила эпицентри Марокашдан 71 км жануби-ғарбда жойлашган Юқори Атлас тоғларида бўлган. Аммо ер силкинишлари пойтахт Рабатда, тахминан 350 км узоқликда, шунингдек, Касабланка, Агадир ва Эссауирада ҳам сезилган.

Мавзуга доир хабарлар билан танишинг: