17:41 | 26.06.24

                       

Метро кондиционерлари ишламаётганига муносабат билдирилди

Тошкент метросида кондиционерлар ишламаётганига муносабат билдирилди. Кондиционерни фаоллаштириш учун Россиядан 15 дан зиёд мутахассис олиб келинган.

Ижтимоий тармоқларда метрополитеннинг ер усти йўналишидаги ҳаракат таркибларида совутиш тизими ишламаётгани хусусида хабарлар жойланмоқда. Ҳолат юзасидан «Тошкент метрополитени» ДУК ахборот хизмати маълумот берди.

Маълум қилинишича, метрополитеннинг «Ер усти халқа йўли» йўналишида ҳаракатланаётган ҳаракат таркибларининг совутиш тизими билан боғлиқ камчиликларни бартараф этиш мақсадида, кучайтирилган тартибда махсус ишчи гуруҳ тузилган. Бу ишчи гуруҳ таркибига Россиядан ҳам 15 дан зиёд соҳа мутахассислари жалб этилган.

«Ушбу мутахассислар томонидан доимий равишда тизимли таъмирлаш ва текширув ишлари олиб борилмоқда. Ҳозирги вақтда, «Ер усти халқа йўли» йўналишида 10 та ҳаракат таркиби ҳаракатланмоқда ва шундан 8 таси жорий йилда ҳарид қилинган поездлар бўлиб, уларнинг совутиш тизими ҳаво ҳарорати +50°C иссиққача белгиланган норма бўйича ишлаш имкониятига эга», дейилади хабарда.

Бундан ташқари, яна бошқа мавжуд 2 та ҳаракат таркиблари ўтган йиллар давомида олиб келинган бўлиб, асосан ер ости метро бекатларида ҳаракатланишига мўлжалланган ҳамда уларнинг совутиш тизими эса, ҳарорат +40°C гача бўлган иссиқда ишлашга мўлжалланган.

Шу сабабли, жалб этилган малакали мутахассислар томонидан, бу ҳаракат таркибларининг совутиш тизимларининг ускуналари модернизация қилинмоқда. Амалга оширилаётган ишлар натижасида, юзага келаётган бу каби камчиликлар яқин кунлар ичида тўлиқлигича бартараф этилади.

Мавзуга доир хабарлар билан танишинг: