15:41 | 28.06.24

                       

Мирзиёев ўтган етти йил ёшларни қўллаб-қувватлашда «катта сакраш даври» бўлганини айтди

Мирзиёев ўтган етти йил ёшларни қўллаб-қувватлашда «катта сакраш даври» бўлганини айтди. Бу даврда олийгоҳлар сони 77 тадан 212 тага етди.

Президент Шавкат Мирзиёев раислигида ёшлар сиёсатига бағишланган видеоселектор йиғилиши ҳамда ёшлар билан мулоқот бошланди. Бу ҳақда Президент матбуот котиби хабар берди.

Давлат раҳбари мамлакатимизда сўнгги етти йил ёшларни қўллаб-қувватлаш, уларни истеъдод ва салоҳиятини рўёбга чиқаришда «катта сакраш даври» бўлганини таъкидлади. Шу етти йил ичида ёшларга оид 100 дан зиёд қонун ва қарор қабул қилиниб, 200 дан ортиқ имтиёз берилди.

Биргина таълим кредитидан 151 минг ёшлар фойдаланди. Эҳтиёжманд оиладан бўлган яна 110 минг талабанинг контрактини тўлашга 332 миллиард сўм ажратилди.

Натижада олий таълимда қамров 9 фоиздан 42 фоизга, олийгоҳлар сони эса 77 тадан 212 тага етди.

Мавзуга доир хабарлар билан танишинг: