23:15 | 05.07.24

                       

Мирзиёев Озарбайжон Президенти билан учрашди

Мирзиёев Озарбайжон Президенти билан учрашди. Олий мартабали меҳмонлар 32 йил ичида биринчи марта қурилган турар жой мажмуасига ташриф буюрди (фото).

Ўзбекистон Президенти Шуша шаҳридаги бунёдкорлик билан танишди. Бу ҳақда Президент матбуот хизмати хабар берди.

Фото: Президент матбуот хизмати

Маълум қилинишича, Шавкат Мирзиёев Туркий давлатлар ташкилотининг норасмий саммитида иштирок этиш учун Шуша шаҳрига келди.

Фото: Президент матбуот хизмати

Давлат раҳбарини бу ерда Озарбайжон Республикаси Президенти Илҳом Алиев кутиб олди.

Фото: Президент матбуот хизмати

ТДТ иштирокчи мамлакатлари делегациялари раҳбарлари Озарбайжон етакчиси ҳамроҳлигида Шуша шаҳрида амалга оширилаётган бунёдкорлик ишлари билан танишди.

Шуша “Қорабоғ дурдонаси”, “Кавказ санъати маркази” ва “озарбайжон мусиқаси бешиги” номлари билан маълум. Шаҳар бир қатор таниқли фан, маданият ва санъат арбоблари ватанидир.

Фото: Президент матбуот хизмати

2021 йилдан буён Шуша Озарбайжоннинг маданий пойтахти ҳисобланади, 2023 йилда эса туркий дунё маданий пойтахти деб эълон қилинган.

Фото: Президент матбуот хизмати

Жорий йилда Хива шаҳри ва Шуша шаҳри ўртасида биродарлик алоқалари ўрнатилди.

Олий мартабали меҳмонлар Шушада ўттиз икки йил ичида биринчи марта қурилган турар жой мажмуасига ташриф буюрдилар. 23 та бинодан иборат уй-жой мажмуасининг умумий майдони қарийб 8 гектарни ташкил этади.

Фото: Президент матбуот хизмати

Сўнг етакчилар 2021 йилда тамал тоши қўйилган янги замонавий масжид лойиҳаси ва уни барпо этиш жараёни билан танишдилар.

Озарбайжон раҳбари меҳмонларга шаҳар инфратузилмасини ривожлантириш бўйича амалга оширилаётган ишлар ва келгусидаги режалар ҳақида сўзлаб берди.

Фото: Президент матбуот хизмати

Президентлар, шунингдек, ХIХ асрда Шушада қурилган биринчи масжид – Гавҳар Оға масжидини зиёрат қилдилар. Меҳмонлар бу ерда амалга оширилган реставрация ишларининг натижаларига юқори баҳо берди.

Фото: Президент матбуот хизмати

Ўзбекистон Президентининг Озарбайжонга амалий ташрифи давом этмоқда.

Фото: Президент матбуот хизмати

ТДТ норасмий саммитининг асосий тадбирлари эртага, 6 июль куни бўлиб ўтади.

Мавзуга доир хабарлар билан танишинг: