12:06 | 08.08.24
Мирзиёевни кутиб олиш маросими бўлди
Қозоғистонда Шавкат Мирзиёевни расмий кутиб олиш маросими бўлиб ўтди (фото).
Мирзиёевни расмий кутиб олиш маросими Оқўрда қароргоҳида бўлди. Бу ҳақда Президент матбуот котиби хабар берди.
Қайд этилишича, 8 август куни Оқўрда қароргоҳида Президенти Шавкат Мирзиёевни расмий кутиб олиш маросими бўлиб ўтди.
Олий мартабали меҳмон шарафига фахрий қоровул саф тортди.
Ўзбекистон ва Қозоғистон давлат мадҳиялари янгради. Икки мамлакат етакчилари фахрий қоровул сафи олдидан ўтдилар. Биргаликда суратга тушилди.
Айни пайтда давлат раҳбарларининг тор доирадаги музокаралари бўлиб ўтмоқда.
Томонлар Ўзбекистон билан Қозоғистон ўртасидаги стратегик шериклик ва иттифоқчилик муносабатларини янада ривожлантириш ва чуқурлаштиришнинг долзарб масалаларини муҳокама қилмоқда.
Мавзуга доир хабарлар билан танишинг:
