14:52 | 25.02.23 588

Москвада минглаб ўзбекистонлик ва тожикистонлик мигрантлар норозилик намойиши уюштирди

Улар тўрт ойдан буён маошини ололмаган

Москвада Crocus Group’нинг минглаб ишчи-мигрантлари оммавий норозилик намойиши уюштирди. Current Time TV’нинг хабар беришича, уларга 4 ойдан бери компания томонидан ойлик маошлари берилмаяпти.

Фото: Ташқи меҳнат мигранцияси агентлиги

Телеканалга кўра, намойишчиларни тарқатиш учун қўриқчилар травматик қуроллардан ҳавога ўқ узган.

Ташқи меҳнат мигранцияси агентлигининг Россиядаги ваколатхонаси томонидан ўрганишлар натижасида маълум бўлишича, мазкур ҳолат 2023 йил 22 февраль куни компаниянинг қурилиш майдончасида содир бўлган.

Иш ҳақининг ўз вақтида тўланмагани сабабли уюштирилган норозилик ҳаракати оқибатида иш берувчилар ва мигрантлар ўртасида жисмоний куч ишлатилган. Шундан сўнг корхона раҳбарияти фуқаролар билан учрашиб, уларнинг ишлаган барча маошларини тўлаб беришга ваъда берган.

«Ушбу ҳолатда жароҳат олганлар ва ҳибсга олинганлар ўртасида Ўзбекистон фуқаролари йўқ», дейилади агентлик хабарида.

Crocus Group — Россияда чакана ва кўргазмали кўчмас мулкни қуриш ва ишлатишга ихтисослашган холдинг. Компания мамлакатдаги энг йирик мулкдорлардан бири ҳисобланади. Унинг активлари 1,7 миллиард долларга баҳоланган. Компаниянинг бош офиси Москвада жойлашган.

Компаниялар гуруҳининг 100 фоиз акциялари россиялик ҳамда озарбайжонлик миллиардер, 68 ёшли Араз Агаларовга тегишли. Бизнесмен 2021 йилда 1,2 миллиард доллар бойлиги билан Forbes рейтингида «Россиянинг 200 нафар энг бадавлат тадбиркорлари» рейтингида 100-ўринни эгаллаган.


Тошкент халқаро аэропортида катта қурилиш ва реконструкция ишлари бошланди

Тошкент халқаро аэропортида катта қурилиш ва реконструкция ишлари бошланди

19:08 | 09.12.23 139
Бирлашган Араб Амирлигида «Иқлим ўзгариши: илм-фан сиёсати» сессияси ўтказилди

Бирлашган Араб Амирлигида «Иқлим ўзгариши: илм-фан сиёсати» сессияси ўтказилди

17:11 | 09.12.23 353
Андижонда давлатни 2,4 млрд сўмга «туширган» майнинг ферма фаолиятига чек қўйилди

Андижонда давлатни 2,4 млрд сўмга «туширган» майнинг ферма фаолиятига чек қўйилди

16:42 | 09.12.23 383
БМТ Тараққиёт дастури томонидан дунёнинг 30 та давлатида Миллий мослашув режалари ишлаб чиқилади

БМТ Тараққиёт дастури томонидан дунёнинг 30 та давлатида Миллий мослашув режалари ишлаб чиқилади

16:15 | 09.12.23 206
Путин президентлик сайловларида иштирок этишини маълум қилди

Путин президентлик сайловларида иштирок этишини маълум қилди

15:30 | 09.12.23 434
Жаҳон банки Ўзбекистонга 800 млн долларлик молиявий ёрдам беришга рози бўлди

Жаҳон банки Ўзбекистонга 800 млн долларлик молиявий ёрдам беришга рози бўлди

14:40 | 09.12.23 312