Наманганда Nexia-2 ҳайдовчиси икки нафар пиёдани уриб юборди
Улардан бири кўрсатилган тиббий ёрдамга қарамай вафот этган
Наманганда Nexia-2 ҳайдовчиси икки нафар пиёдани уриб юборди. Воқеа 24 май куни, соат 22:45 ларда Давлатобод тумани И.Каримов кўчасида содир бўлган. Ҳолат юзадиан Наманган вилоят ИИБ ЙҲХБ ахборот хизмати расмий маълумот берди.
1998 йилда туғилган фуқаро Nexia-2 русумли автомашинани бошқариб кетаётиб ҳаракат хавфсизлигини таъминлай олмаган ва йўлнинг чап томонидан ўнг томонига ўтаётган 1999 ва 2002 йилда туғилган пиёдаларни уриб юборган.
Ҳодиса оқибатида пиёдалар оғир тан жароҳати билан шифохонага ётқизилган. Кўрсатилган тиббий ёрдамга қарамай улардан бири вафот этган.
Мазкур ҳолат юзасидан Наманган шаҳар ИИО ФМБ ҳузуридаги Тергов бўлими томонидан Жиноят кодексининг 266 моддаси 2 қисми билан жиноят иши қўзғатилиб, тергов ҳаракатлари олиб борилмоқда.
