Наманган шаҳридаги «Бобур» истироҳат боғидаги 14 май куни соат 11:30 ларда 12 ёшли бола аттракцион минган вақт бош қисмидан тан жароҳати олиб вафот этган. Марҳум бола Учқўрғон туманидаги 8-сонли мактабда таҳсил олган.

Ҳолат юзасидан шаҳар прокуратураси томонидан Жиноят кодексининг 257-моддаси (Меҳнатни муҳофаза қилиш қоидаларини бузиш) билан жиноят иши қўзғатилган. Ҳозирда тергов ҳаракатлари олиб борилмоқда. Фожианинг бошқа тафсилотлари маълум қилинмаган.

Теlegram’да тарқалган видеода болаларни истироҳат боғига олиб борган ўқитувчи шифокорлар билан сўзлашаётган, энди марҳумнинг ота-онасига нима деб жавоб беришини айтгани эшитилади.