Жанубий кон бошқармасининг бўлим бошлиғи ўринбосари ишга киритиб қўйиш эвазига пора олган вақтда ушланди. Бу ҳақда ДХХ матбуот хизмати хабар берди.

Маълум бўлишича, Қўшработ туманида яшовчи 2 нафар фуқарони «Навоий кон-металлургия комбинати» АЖга тегишли бошқармага киритиб қўйиш эвазига 5 минг АҚШ доллари олган. У Самарқанд вилояти бўйича бошқармаси ҳамда Иқтисодий жиноятларга қарши курашиш департаменти ходимлари томонидан ушланган.

Терговга қадар текширув давомида аниқланишича, мазкур шахс 2023 йилнинг сентябрь ойида «Зармитан» конига ишга жойлаштириб қўйишини айтиб, Қўшработ туманида яшовчи 4 нафар фуқародан жами 9 минг АҚШ доллари олган ва ўз эҳтиёжлари учун ишлатиб юборган.

Ҳозирда мазкур ҳолат юзасидан жиноят ишлари қўзғатилган.